Подобар воздух за подобро здравје

Квалитетот на воздухот што го дишеме влијае на квалитетот на нашите животи. Без разлика дали спиеме, гледаме телевизија или работиме во канцеларија и особено за време на пандемијата од корона-вирусот, ние поминуваме многу време во затворени простории. Така што посветуваме многу повеќе внимание на тоа како се шират вирусите. Еве неколку начини што ќе ви помогнат лесно да го подобрите квалитетот на воздухот во затворените простории без да купите нов прочистувач за воздух.

Создадете природна вентилација

Отворањето на прозорците и вратите и внесувањето свеж воздух е првиот очигледен чекор што значително ќе го подобри квалитетот на вашиот воздух во затворените простории. Можете да го надополните со отворање прозорци во различни простории за да создадете вкрстен провев. Препорачливо е да го правите тоа најмалку еднаш на ден, најмалку 5 минути, а идеално 15 до 20 минути. Но, не подолго, бидејќи свежиот воздух носи и полен и прашина. Најдобро е прозорците и вратите да ги држите отворени навечер или рано наутро, кога времето е посвежо. Пред да почне да се затоплува, затворете ги прозорците и затворете ги ролетните за да го одржувате воздухот внатре ладен, свеж, колку што е можно подолго.

 

Климатизација за подобра состојба на воздухот

Добрите клима уреди прават нешто повеќе, а не само снабдување со ладен или со топол воздух. Докажано е дека Hisense климатизерите со HI-NANO технологија елиминираат 93,54% од вирусните честички за само два часа. Hisense ја истражуваше јонската стерилизација во последните 10 години и откри дека може да ги инхибира бактериите, габите и вирусите. Најновото истражување на Texell (Меѓународна истражувачка организација специјализирана за вирусни тестови) докажа дека таа, исто така, го елиминира корона-вирусот. Понатаму, HI-NANO технологијата, која ослободува двојни јони со висока концентрација, ја отстранува и прашината, и затоа обезбедува подобар квалитет на воздухот притоа контролирајќи ја влажноста и одржувајќи ја посакуваната температура во вашиот дом.

Отстранете ги загадувачите на воздухот од просторот за живеење

Работите како што се материјали за чистење, различни хемикалии, бои, градежни материјали, пестициди и сл. треба по можност да се чуваат во гаража или во подрум бидејќи тие можат да го влошат квалитетот на воздухот.

Одржувајте го чист вашиот дом

Чистиот дом резултира со помалку прашина, мувла и влакна од животинско потекло. Средувањето и отстранувањето на нередот ќе ви помогнат да ги уредите местата што собираат прашина, додека миењето на постелнината и на завесите на минимум 60 °C може да ги намали нивоата на грини/арахнидии и на алергени од домашна прашина. И не заборавајте на теписите и на килимите, кои можат да ги задржат честичките од нечистотии во нивните влакна. Барем еднаш неделно поминете ги со добра правосмукалка, по можност со таква што има ХЕПА-филтер.

Одржувајте го зеленилото

Вашата домашна џунгла не е само прекрасен декор. Домашните растенија се, исто така, природни филтри за воздух. Особено растенијата како што се потос, змиино-цвеќе, спатифилум, филодендрон, пајаково цвеќе или хлорофитум, папратите и палмите, се познати по отстранувањето на микробите и токсините и го снабдуваат вашиот дом со прочистен воздух.